Astrologjia: Muaji Nëntor

Ngjarja e ardhshme qiellore në nëntor, e cila ka një rëndësi të madhe astrologjike është lidhja e Diellit dhe Marsit në shenjën e Akrepit, në 18 nëntor. Kjo lidhje është thelbësore sepse tregon se ku do të ndodhin betejat, konfliktet dhe përparimet më të rëndësishme gjatë dy viteve e gjysmë të ardhshme.

Për të dhënë një kontekst, në vitin 2019, Dielli dhe Marsi u takuan në shenjën e Virgjëreshës dhe dy vitet e gjysmë në vijim u fokusuan tek shëndeti, sëmundjet dhe reagimin global ndaj pandemisë. Në mënyrë të ngjashme, në vitin 2021, Dielli dhe Marsi u bashkuan në Peshore, duke sjellë një periudhë negociatash diplomatike, aleancash dhe konfliktesh të para veçanërisht në situatën në Ukrainë.

Tani, teksa i afrohemi lidhjes tjetër është e rëndësishme të theksohet se Akrepi është një shenjë intensive dhe zbuluese. Është i lidhur me zbulimin e të vërtetave të fshehura, ekspozimin e sekreteve dhe nxjerrjen në dritë të gjithçkaje që është mbajtur në hije, duke përfshirë komplotet dhe aktivitetet klandestine. Akrepi është gjithashtu i lidhur me temat e luftës, terrorizmit dhe armiqësive ekstreme, duke e bërë këtë lidhje potencialisht më sfiduese.

Lidhja do të bëhet në gradin e 25-të të Akrepit, dhe si në astrologjinë tropikale ashtu edhe në atë vedike, kjo gradë lidhet me energjinë e pastër të Akrepit. Kjo gradë e veçantë, e njohur si Vishakha, përfaqëson një fuqi të përqendruar dhe të paepur. Është njësoj si të veshësh tenda mbrojtëse, në mënyrë që shpërqendrimet mos të të pengojnë dhe të kesh mundësinë të drejtohesh drejt qëllimeve të tua me vendosmëri. Për individët, kjo energji do të shfaqet si një angazhim dhe pasion i palëkundur në një fushë specifike të jetës që korrespondon me hartën e lindjes.

Në një nivel kolektiv, energjia e kësaj lidhjeje mund të çojë në luftime për pushtet, rebelime, dhunë fizike dhe akte ekstreme të urrejtjes dhe heroizmit. Energjia e Akrepit mund të jetë edhe shkatërruese edhe rigjeneruese, ashtu si feniksi mitik që ngrihet nga hiri i tij.

Duke shtuar intensitetinky aspekt kundërshtohet nga Urani, i cili shkakton me ngjarje të papritura dhe shpërthyese. Urani është shumë afër yllit Algol, i cili simbolizon hakmarrjen. Ky përafrim mund të çojë në zhvillime të shpejta dhe me ndikim, duke tronditur ato çfarë dimë.

Megjithatë, ka një frymë shpëtuese nga një aspekt trinjë tme Neptunin. Neptuni sjell hirin hyjnor, faljen dhe fuqinë e lutjes dhe meditimit kolektiv. Kjo energji mund të ndihmojë në zbutjen e disa prej tendencave shkatërruese të Akrepit dhe Uranit.

Në një shkallë globale, ne mund të presim që ngjarjet që lidhen me industrinë bankare, burimet nëntokësore (si nafta) dhe mallrat të vijnë në fokus për shkak të boshtit Akrep-Demi. Për më tepër, Akrepi sundon Lindjen e Mesme dhe duke pasur parasysh tensionet në rritje në atë rajon, ekziston një shqetësim se si mund të ecin gjërat gjatë dy viteve e gjysmë të ardhshme.

Lidhja Diell-Mars në Akrep është një ngjarje e rëndësishme qiellore që do të ndikojë si individët ashtu edhe botën në tërësi. Është një periudhë energjie intensive dhe transformimi me nevojë për shqyrtim të kujdesshëm dhe një ekuilibër forcash për të shmangur rezultatet shkatërruese. Përpjekjet kolektive, lutja dhe hiri i Neptunit do të luajnë rol të rëndësishëm në formimin e mënyrës sesi manifestohet kjo energji.

Dashi (Dielli, Hëna & Ashendenti)

Në hartën tuaj të lindjes, lidhja e Diellit dhe Marsit nënkupton një periudhë kyçe rreth 2.5 vitesh gjatë së cilës përpjekjet dhe energjia juaj do të përqendrohen intensivisht në shtëpinë tuaj të tetë.

Kjo lidhje është e fuqishëm sepse ndodhet në "shtëpinë" hënore të qëllimit, e cila njihet si një nga shtyllat hënore më të fuqishme dhe që rrit vullnetin. Aktivizon fokusin dhe vendosmërinë e sy patrembur. Po hyni në një fazë ku mund të arrini arritje të jashtëzakonshme të nxitura nga vullneti dhe vendosmëria juaj në shtëpinë e tetë, e cilësuar shpesh si shtëpia e betejave të brendshme, punës në hije dhe përballjes me djajtë e brendshëm.

Shtëpia e Tetë në astrologji merret me transformimet e thella psikologjike, burimet e përbashkëta, trashëgiminë, detyrimin dhe misteret e jetës dhe vdekjes. Gjatë 2.5 viteve të ardhshme, kjo shtëpi do të jetë pika qendrore e energjisë dhe përpjekjeve tuaja. Mund t'ju kërkohet të mobilizoni luftëtarin tuaj të brendshëm për t'u përballur dhe për të kapërcyer sfida të ndryshme në këtë fushë të jetës tuaj. Kjo mund të përfshijë kapërcimin e detyrimeve të brendshme, trajtimin e traumave të së kaluarës dhe përballjen me çështje emocionale, por ka shumë rëndësi se ku gjendet Marsi në hartën tuaj.

Shtëpia e Tetë është gjithashtu e lidhur me çakrat dhe ky ndikim i Marsit dhe Diellit në këtë shtëpi mund të inicojë një proces të aktivizimit të tyre, duke çuar potencialisht në një periudhë detoksifikimi për trupin tuaj nga ana emocionale dhe energjike. Ky proces fillimisht mund të jetë i pakëndshëm dhe madje mund të shfaqet si ankth ose tronditje emocionale. Megjithatë, përfundimisht mund të rezultojë në një transformim dhe shërim të brendshëm.

Shtëpia e Tetë është e lidhur ngushtë me energjinë dhe fuqinë seksuale, kështu që kjo lidhje mund të ndikojë edhe në dëshirat dhe përvojat tuaja seksuale. Për disa, mund të ndihmojë në zhbllokimin e energjisë seksuale të bllokuar ose të ndrydhur, duke çuar në rritje personale dhe lidhje më të thella në marrëdhëniet intime.

Për më tepër, me Neptunin që trinjon lidhjen Mars-Diell nga Shtëpia juaj e Dymbëdhjetë, ju keni akses në mbështetjen shpirtërore, besimin dhe një lidhje të  fortë me veten tuaj më të lartë. Ky aspekt mund t'ju ndihmojë në shërimin e traumave dhe çështjeve emocionale gjatë kësaj periudhe transformuese.

Ky fokus intensiv në Shtëpinë e Tetë mund të shfaqet gjithashtu si luftë për pushtet në marrëdhëniet tuaja personale ose çështjet financiare, veçanërisht kur bëhet fjalë për burimet e përbashkëta, trashëgimitë ose financat e përbashkëta. Është e rëndësishme të jeni të vetëdijshëm për këto dinamika dhe të përpiqeni për një qasje të ekuilibruar dhe harmonike në marrëdhëniet tuaja me të tjerët.

Kjo lidhje mund t'ju bëjë të eksploroni tema që lidhen me okultin, sekretet dhe aspektet e fshehura të jetës. Mund të tërhiqeni nga astrologjia, psikologjia ose fusha të tjera që gërmojnë në misteret e ekzistencës.

Ky aspekt astrologjik përfaqëson një periudhë të rëndësishme të rritjes dhe fuqizimit personal. Mund të duket si një betejë, por është një udhëtim transformues që në fund mund të çojë në një forcë më të madhe, zotërim personal dhe aftësi për të ndihmuar dhe frymëzuar të tjerët në kohë krize.

Demi (Dielli, Hëna & Ashendenti)

Saturni, i cili ka qenë retrogradë për katër muajt e fundit, do të kthehet drejtpërdrejtë në datën tre të muajit. Kur Saturni është retrogradë, përparimi mund të duket i ngadaltë, veçanërisht në lidhje me qëllimet afatgjata. Nëse keni punuar në një projekt, veçanërisht një që përfshin grupe ose aspekte shoqërore, mund të keni hasur vonesa ose pengesa. Megjithatë, teksa Saturni fillon të ecë përsëri përpara, gradualisht do të gjen zgjidhjen e këtyre çështjeve. Pavarësisht nëse keni të bëni me një situatë të ndërlikuar që lidhet me një projekt afatgjatë, një ndryshim biznesi ose arritje sociale dhe ekonomike, do të filloni të shihni progres gjatë muajit në vijim.

Shtëpia e 11-të merret gjithashtu me miqësitë dhe rrjetin tuaj social. Nëse jeta juaj shoqërore është dukur si e fjetur, e ndenjur ose nëse ju është dashur të rivlerësoni miqësitë tuaja dhe të bëni disa ndryshime, lëvizja e drejtpërdrejtë e Saturnit do të sjellë lehtësim. Normalisht mund të mos lulëzojë papritur (Saturni njihet për ndikimin e tij të ngadaltë dhe të qëndrueshëm), por mund të prisni që të hyjnë njerëz të rinj në jetën tuaj gjatë shtatë muajve të ardhshëm. Këta individë mund të jenë më të pjekur ose më të kujdesshëm dhe do të kontribuojnë pozitivisht në rrethin tuaj shoqëror. Çdo problem me bashkëmoshatarët, kolegët ose vëllezërit e motrat më të mëdhenj mund të fillojë të zgjidhet gjatë kësaj periudhe.

Nëse keni punuar për të bërë të ardhura shtesë, për të përmirësuar perspektivat tuaja ekonomike ose për të shtuar vëmendjen tuaj në mediat sociale, rezultatet tuaja do të bëhen më të dukshme. Mund të keni rritje të të ardhurave ose të ndjeksve tuaj, veçanërisht nëse puna juaj është e lidhur me shtëpinë e 11-të, e cila përfshin klientët dhe mediat sociale. Çdo përgjegjësi sociale ose projekt në grup që është dukur majft zhgënjyes mund të fillojë të ecë përpara me lëvizjen e drejtpërdrejtë të Saturnit.

Një tjetër ngjarje e rëndësishme që ndodh në nëntor është lidhja e Diellit dhe Marsit në 24-25 gradë në Akrep, i cili do të vendosë tonin për dy vitet e gjysmë të ardhshëm. Do t'ju kërkohet të investoni energjinë, vullnetin dhe përqendrimin tuaj në projekte dhe aktivitete që përfshijnë të tjerët. Është një kohë e shkëlqyer për të forcuar marrëdhëniet tuaja ose për të punuar intensivisht me një partner, qoftë në çështje biznesi apo personale. Ky përqendrim i energjisë mund të çojë në përmirësime ose përparime të marrëdhënieve, pasi Marsi dhe Dielli inkurajojnë vendosmërinë dhe vullnetin.

Megjithatë, ekziston edhe potenciali për luftë për pushtet, pasi Akrepi njihet për natyrën e tij intensive dhe konfrontuese. Ju mund të keni nevojë të insistoni për veten më fort dhe të përballeni me të tjerët kur është e nevojshme. Kjo energji mund të përdoret pozitivisht për t'u bërë më të sigurt dhe më të drejtpërdrejtë në ndërveprimet tuaja. Individët që janë shumë të sigurt dhe të motivuar mund të hyjnë në jetën tuaj, duke ju shtyrë të arrini qëllimet tuaja ose duke ju motivuar në mënyra të ndryshme.

Është e rëndësishme të jeni të vetëdijshëm për kundërshtimin nga Urani, i cili mund të krijojë shkëndija dhe konflikte të mundshme. Ky ndikim do të ndihet më së shumti nga individët e Demit të lindur midis 20 dhe 27 gradëve. Ky kundërshtim nga Urani mund të shkaktojë reagime intensive, por është thelbësore ta përdorni këtë energji në mënyrë konstruktive dhe të qëndroni të fokusuar në qëllimet dhe marrëdhëniet tuaja.

Binjakët (Dielli, Hëna & Ashendenti)

Muaji fillon me Saturnin që kthehet direkt në shtëpinë tuaj të 10-të. Për katër muajt e fundit, Saturni ka qenë retrogradë, duke shkaktuar potencialisht vonesa në lidhje me punën, pengesa, pakënaqësi në karrierë ose probleme me figura të autoritetit si shefat, prindërit ose institucionet. Teksa Saturni fillon të ecë përpara rreth datës 4, gradualisht do të vini re se këto sfida do të zbuten. Çdo vonesë, bllokim ose problem që lidhet me punën, karrierën ose përgjegjësitë tuaja do të fillojnë të zgjidhen, duke e bërë më të lehtë ecjen përpara. Kjo periudhë gjithashtu mund të sjellë më shumë dhembshuri për veten dhe më pak autokritikë, veçanërisht për ata të lindurit me në 10 gradët e parë të Binjakëve, duke e bërë marrëdhënien tuaj me figurat e autoritetit dhe kërkesat e karrierës tuaj më të menaxhueshme.

Me Saturnin që shkon drejtpërdrejt, ju mund të ecni përpara me qëllimet tuaja të karrierës dhe jetës. Shumë Binjakë kanë marrë pozita autoriteti dhe përgjegjësie, duke çuar në arritje të konsiderueshme. Lëvizja e drejtpërdrejtë e Saturnit do t'ju lejojë të shihni rezultatet e punës tuaj të palodhur ose të zbuloni rrugë të reja për rritjen e karrierës.

Një tjetër ngjarje e rëndësishme në nëntor është lidhja e Diellit dhe Marsit në shtëpinë tuaj të gjashtë. Ky aspekt do të vendosë tonin për dy vitet e ardhshme. Shtëpia e gjashtë është e lidhur me shëndetin, punësimin dhe çështjet që lidhen me punën. Dielli dhe Marsi, dy nga planetët më të fuqishëm për vullnetin dhe fokusin, do t'ju japin energji për të përballuar sfida të reja, veçanërisht kur bëhet fjalë për shëndetin tuaj. Pavarësisht nëse është fillimi i një rutine stërvitjeje, ndryshimi i dietës ose adresimi i çështjeve shëndetësore, ju do të jeni të mbushur me vendosmëri të plotë.

Kjo energji e fuqishme mund të ndikojë gjithashtu në jetën tuaj të punës, pasi mund të shkaktojë risi, ristrukturim ose ndryshim të punës. Do të jeni më të fokusuar në punën tuaj, duke bërë hapa të mëdhenj në zgjidhjen e sfidave dhe përmirësimin e efikasitetit të detyrave tuaja të përditshme. Dielli dhe Marsi do të aktivizojnë një obsesion me këto zona, duke ju fuqizuar të kapërceni pengesat dhe të bëni përparime të rëndësishëme.

Megjithatë, kjo energji intensive mund të çojë në beteja për pushtet, të cilat mund të kërkojnë vendosmërinë dhe këmbënguljen tuaj për t'i kapërcyer. Cikli i Diellit dhe Marsit në shtëpinë e gjashtë do të zgjasë për dy vjet, duke siguruar kohë të mjaftueshme për të punuar për qëllimet shëndetësore dhe ato të punës.

Për më tepër, Venusi do të zhvendoset në shtëpinë tuaj të pestë në datën 10 nëntor, duke i bërë më të këndshme 20 ditët e fundit të muajit. Kjo vendosje ju inkurajon të argëtoheni, të angazhoheni në hobi, të shijoni përvoja romantike dhe të përfshiheni në aktivitete argëtuese.

Mërkuri, i cili do të jetë në shtëpinë tuaj të shtatë gjatë 20 ditëve të fundit të muajit, do të përmirësojë komunikimin dhe ndërveprimet sociale me të tjerët. Kjo periudhë do të ketë rritje të përqëndrimit mendor dhe angazhimit shoqëror.

Gaforrja (Dielli, Hëna & Ashendenti)

Muaji fillon me Saturnin që kthehet drejtpërdrejt dhe teksa mund të mos i ndjeni menjëherë efektet e tij, gradualisht do të vini re ndryshimet që shpalosen gjatë muajit dhe në muajin pasardhës. Këto ndryshime ka të ngjarë të lidhen me ndikimin e Saturnit në shtëpinë e nëntë. Nëse keni pasur ndonjë çështje të pazgjidhur në lidhje me çështjet ligjore mund të filloni t'i shihni të lehtësohen dhe duke dhënë rezultate. Në mënyrë të ngjashme, nëse keni pasur sfida që përfshijnë figurën e babait, këto çështje mund të fillojnë të zgjidhen gjithashtu.

Nëse jeni përballur me dilema morale ose keni luftuar me çështjet e së drejtës dhe të gabuarës, mund të gjeni zgjidhje tani. Saturni që kalon në shtëpinë e nëntë ndonjëherë mund të çojë në kriza ekzistenciale ose filozofike, veçanërisht kur Saturni shkon retrogradë. Ju mund të mendoni për qëllimin e jetës, rolin tuaj në të, çfarë të studioni ose pyetje të tjera të thella. Me Saturnin që tani po kthehet drejt, ju mund të parashikoni një lehtësim gradual të kësaj beteje të brendshme dhe potencialisht gjetjen e përgjigjeve për këto pyetje më të thella.

Për më tepër, nëse keni përjetuar negativitet mendor ose jeni ndier keq, veçanërisht në mendimet tuaja, mund të filloni të shihni rezultate. Shtëpia e nëntë i përket gjithashtu përmirësimit të vetes, njohurive të larta dhe studimeve. Nëse keni punuar për përmirësimin ose arsimin e lartë, ka gjasa të vilni frytet e përpjekjeve tuaja.

Shtëpia e nëntë është gjithashtu e lidhur me vendet e huaja, udhëtime, zhvendosje, viza, letra dhe dokumente që lidhen me çështje të tilla. Nëse keni hasur vonesa ose komplikime në këto fusha, mund të prisni përparim dhe zgjidhje.

Nëse keni menduar për ndryshime të mëdha në studimet tuaja të larta, kualifikimet ose drejtimin e jetës, kthimi i drejtpërdrejtë i Saturnit mund t'ju ndihmojë të gjeni zgjidhje për çdo problem ose pasiguri me të cilën jeni përballur. Pavarësisht nëse janë sfida akademike, vështirësi me profesorët, apo nëse jeni duke menduar për një ndryshim në rrugën tuaj arsimore.

Tani, një ngjarje e rëndësishme për t'u theksuar është lidhja e Diellit dhe Marsit në shenjën e Akrepit. Kjo lidhje, e cila zgjat për dy vitet e ardhshme, do të ndikojë fuqishëm në vetë shprehinë tuaj dhe rritjen personale. Shtëpia e nëntë ka të bëjë me përmirësimin përmes njohurive dhe studimeve të larta, ndërsa shtëpia e pestë ka të bëjë me përmirësimin përmes krijimtarisë dhe shprehisë.

Ju do të filloni një udhëtim të zbulimit të vetvetes, duke ripërcaktuar shprehjen dhe personalitetin tuaj. Kjo periudhë do të përmirësojë se si shpreheni dhe do t'ju ndihmojë të zbuloni talente dhe cilësi të reja. Mund të bëheni thellësisht të pasionuar dhe të përqendruar, madje edhe të fiksuar pas një interesi apo hobi të veçantë. Ky pasion i ri mund të evoluojë në një biznes ose karrierë ose të kanalizohet në projekte krijuese.

Shtëpia e pestë përfaqëson gjithashtu fëmijët dhe disa prej jush mund ta kanalizojnë këtë energji për të krijuar një familje ose për të përjetuar një fazë të re me fëmijët tuaj. Kjo periudhë mund të sjellë intensitet dhe vullnet në jetën tuaj romantike, duke çuar potencialisht në një kapitull të ri romantik. Teksa do të kënaqeni me pasionin, jini të vetëdijshëm për betejat e mundshme për pushtet në marrëdhënie, si romantike ashtu edhe me fëmijët.

Në 20 ditët e fundit të muajit, Venusi hyn në shtëpinë tuaj të katërt, duke nxitur harmoninë dhe kënaqësinë brenda familjes dhe jetës tuaj në shtëpi. Ju mund të gjeni harmoni në zbukurimin e hapësirës tuaj të jetesës, ndarjen e ushqimeve të gatuara në shtëpi dhe forcimin e lidhjeve tuaja me të dashurit.

Luani (Dielli, Hëna & Ashendenti)

Saturni po kthehet drejtpërdrejt në shtëpinë tuaj të tetë. Kur Saturni ishte retrogradë, mund të keni përjetuar vështirësi, bllokime ose sfida në fushat që lidhen me financat e ndërsjella, burimet nga të tjerët ose çështjet psikologjike. Teksa Saturni kthehet drejtpërdrejtë, do të filloni të ndjeni një lehtësim të këtyre çështjeve.

Nëse keni qenë duke u përballur me obsesione, trauma psikologjike ose luftë për pushtet, kjo energji do të fillojë të zgjidhet. Qofshin komplikime financiare, taksa, sigurime apo trashëgimi, rruga përpara do të bëhet më e qetë. Kjo vlen edhe për investimet, hipotekat, kreditë ose çdo sfidë financiare që përfshin një partner ose bashkëshort.

Megjithatë, mbani në mend se Saturni do të shkojë retrogradë në Shtëpinë tuaj të Tetë vitin e ardhshëm, duke sjellë potencialisht një grup sfidash të ndryshme. Tani për tani, faza aktuale do të fillojë të zbusë disa nga vështirësitë e mëparshme gjatë dy muajve të ardhshëm.

Ngjarja më e rëndësishme në të cilën duhet fokusuar vëmendja është lidhja e Diellit dhe Marsit në Akrep, e cila do të ndikojë në Shtëpinë tuaj të Katërt për dy vitet e ardhshme. Kjo lidhje do të sjellë një fokus të përqendruar në çështjet e shtëpisë dhe familjes. Mund të shfaqet në mënyra të ndryshme, të tilla si zhvendosja në një shtëpi të re, rinovimi i shtëpisë tuaj aktuale, apo edhe të merreni mekujdesin e luleve ose kopshtarisë. Gjithashtu mund të bëni shumë përpjekje në punët që përfshijnë pasuri të paluajtshme ose të eksploroni dinamikën e familjes dhe trashëgiminë e stërgjyshëve.

Lidhja Diell-Mars mund të çojë në luftë për pushtet brenda familjes ose një fokus intensiv në zgjidhjen e çështjeve që lidhen me të. Disa Luan mund të kenë nevojë të çlirohen nga dinamikat toksike familjare. Nga ana pozitive, kjo periudhë mund të çojë në përparime, rritje personale dhe shërim të traumave të lidhura me familjen. Energjia është intensive dhe transformuese dhe ju nxjerr fitimtarë në fund.

Përsa i përket ngjarjeve të tjera astrologjike për nëntorin, Venusi do të hyjë në Shtëpinë tuaj të Tretë pas datës 8, duke e bërë këtë një kohë të shkëlqyer për udhëtime të shkurtra, shoqërime, komunikim dhe aktivitete të lidhura me median. Ju mund ta shfrytëzoni sa më shumë këtë energji për takime të këndshme ose shoqërore. Është gjithashtu një kohë e mirë për të blerë pajisje ose automjete dhe për të patur marrdhënie më të qeta me miqtë dhe familjen.

Virgjëresha (Dielli, Hëna & Ashendenti)

 
Saturni kthehet direkt në datën 4 nëntor pasi ishte retrogradë për pesë muajt e fundit dhe po lëviz drejtpërdrejt në shtëpinë tuaj të shtatë. Nëse keni përjetuar probleme në marrëdhënie, tension të shtuar, distancë emocionale ose keni rivlerësuar partneritetet tuaja gjatë muajve të fundit, kthimi i Saturnit drejt do të sjellë lehtësim. Nëse jeni përballur me probleme në jetën e partnerit ose keni pasur vështirësi me partnerët e biznesit, do të shihni përmirësime. Çdo bllokim kontraktual, mosmarrëveshje ose çështje në marrëdhëniet ballë për ballë do të fillojnë të zgjidhen. Kjo përfshin çështjet ligjore ose pakënaqësitë në marrëdhënie. Teksa Saturni lëviz drejtpërdrejt, do të vini re se gjërat bëhen më të lehta dhe më të buta në partneritetet dhe marrëdhëniet tuaja.

Është gjithashtu një kohë e shkëlqyer për nënshkrimin e marrëveshjeve apo kontratave, si dhe zgjidhjen e mosmarrëveshjeve me të tjerët. Nëse keni punuar me dikë drejt një qëllimi të përbashkët, do të filloni të shihni rezultatet, duke e bërë bashkëpunimin më të menaxhueshëm. Nëse keni bërë përpjekje për të ushqyer martesën ose partneritetin tuaj, do të shihni gjithashtu përparim. Nga ana tjetër, nëse keni pasur marrëdhënie të vështira ose jeni ndjerë të pakënaqur me një partner, tensionet do të fillojnë të zbuten. Është një kohë zgjidhjeje dhe përparimi përpara.

Ngjarja kryesore astrologjike në nëntor është lidhja Diell-Mars në shtëpinë tuaj të tretë do t'ju ndikojë ndjeshëm për dy vitet e ardhshme dhe më tej. Kjo lidhje përfaqëson bashkimin e Diellit, luftëtarit të zjarrtë dhe Marsit, planetit të veprimit dhe energjisë. Fokusi juaj do të sillet rreth shtëpisë tuaj të tretë, e cila përfshin komunikimin, median, marketingun dhe biznesin. Gjatë kësaj kohe, do të nxiteni të përkushtoni vullnetin dhe energjinë tuaj drejt projekteve specifike dhe kjo nuk kufizohet vetëm në nëntor.

Kjo mund të nënkuptojë fillimin e një projekti të ri mediatik, shkrimin e një libri, krijimin e një faqe interneti ose zhvillimin e një blogu. Vendosmëria juaj do të jetë e palëkundur dhe ju do ta kanalizoni intensitetin tuaj në këto sipërmarrje. Kjo lidhje e fuqishme Diell-Mars simbolizon luftëtarin fitimtar dhe këmbëngulja juaj përfundimisht do të çojë në triumf në përpjekjet tuaja të zgjedhura. Pavarësisht nëse është të mësosh një aftësi të re, të zotërosh një gjuhë ose të nisësh një sipërmarrje të re biznesi, fokusi juaj do t'ju shtyjë të keni sukses. Megjithatë, kjo vendosmëri mund të çojë gjithashtu në përplasje me të tjerët, veçanërisht ata në mjedisin tuaj të afërt, si vëllezërit e motrat, fqinjët ose kolegët e punës.

Konkurrenca dhe lufta për pushtet në komunikimin dhe ndërveprimet tuaja mund të krijojnë disa fërkime, por e gjitha është pjesë e procesit të të mësuarit. Do t'ju kërkohet të ngrini zërin tuaj dhe ta përdorni atë për të vendosur veten përpara të tjerëve me më shumë besim. Kjo ka të bëjë me realizimin e aftësisë suaj për të patur ndikim me fjalët tuaja, për të mbrojtur atë në të cilën besoni dhe për të komunikuar me vendosmëri. Ju mund të gjendeni në kryqëzata, beteja ose debate që lidhen me çështje të rëndësishme. Energjia mund të jetë intensive dhe është thelbësore ta përdorni atë me mençuri. Fjalët tuaja do të bëhen një mjet i fuqishëm për transformim dhe ndryshim. Mund të ketë shumë konflikte verbale, por këto konflikte do të shërbejnë si një mundësi për rritje dhe siguri.

Është gjithashtu thelbësore të njihni aspektet e mundshme negative, pasi mund të përfshiheni në argumente në internet ose diskutime në jetën tuaj të përditshme. Periudha dyvjeçare nën këtë lidhje do t'ju mësojë të nxirrni zërin dhe bindjet tuaja, edhe përballë kundërshtimit të fortë. Bëhet fjalë për mësimin se si të komunikoni idetë tuaj dhe për të luftuar për atë në të cilën besoni.

Për më tepër, Neptuni bën një trnjë në lidhjen Diell-Mars, duke treguar se ju keni akses në energjinë e Neptunit për dy vitet e ardhshme. Ndikimi i tij do të ndihmojë në zgjidhjen e konflikteve, veçanërisht përmes negociatave, dhembshurisë, faljes dhe një qasjeje të butë. Energjia e Neptunit mund t'ju udhëheqë drejt gjetjes së pikës së përbashkët dhe nxitjes së mirëkuptimit me të tjerët. Kjo energji është e shkëlqyer për të gjetur zgjidhje paqësore, veçanërisht ato që rrjedhin nga natyra konkurruese e lidhjes Diell-Mars. Aspektet harmonike të Neptunit mund të sjellin ndërmjetës ose paqe në jetën tuaj, duke ju ndihmuar të arrini ekuilibrin dhe zgjidhjen.

Përveç lidhjes Diell-Mars, Venusi hyn në shtëpinë tuaj të dytë, e dukshme pas datës 10 nëntor. Kjo vendosje është e favorshme për të shpenzuar para për gjëra të bukura dhe për të shijuar vakte të rafinuara. Është koha e shkëlqyer për blerje dhe mund të hasni oferta të mira. Do të vlerësoni dhe do të kënaqeni me pesë shqisat, duke e bërë këtë një kohë të mirë për të kaluar kohë me familjen dhe njerëzit e dashur.

Peshorja (Dielli, Hëna & Ashendenti)

Saturni do të kthehet direkt në 4 nëntor, por ndikimi i tij mund të mos jetë menjëherë i dukshëm pasi Saturni lëviz ngadalë. Ky ndryshim në drejtim do të ndikojë në shtëpinë tuaj të gjashtë. Nëse keni hasur sfida në karrierën tuaj, vendin e punës ose me punonjësit, këto çështje do të fillojnë të lehtësohen. Nëse jeni përballur me punë të rënda ose me përgjegjësi shtesë, do të vini re një zbutje graduale të ngarkesës suaj të punës.

Kjo lëvizje e drejtpërdrejtë e Saturnit mund të sjellë zgjidhje edhe për problemet me paranë, borxhet, veçanërisht çështje mbi punën studentore. Nëse jeni duke punuar për përmirësimin e shëndetit dhe duke zbatuar rutina të reja, do ta keni më të lehtë t'i mbani ato nga nëntori e tutje.

Lidhja e Diellit dhe Marsit në shtëpinë tuaj të dytë do të jetë një aspekt përcaktues për dy vitet e ardhshme. Shtëpia e dytë rregullon çështjet praktike dhe do të ndjeni një rritje të vullnetit dhe vendosmërisë për t'u fokusuar në fusha të tilla si shëndeti dhe ushqimi. Kjo lidhje do t'ju frymëzojë të merrni kontrollin e zakoneve tuaja të të ngrënit dhe rutinave të kujdesit për veten. Është një kohë e shkëlqyer për të nisur një transformim shëndetësor ose për të çuar rrugëtimin tuaj të stërvitjes në një nivel të ri.

Marsi dhe Dielli do t'ju mobilizojnë për të bërë ndryshime financiare, për të investuar në të ardhmen tuaj dhe për të rritur vetëvlerësimin tuaj. Kjo periudhë do të shënohet nga përkushtimi juaj për krijimin e sigurisë financiare dhe rritjen e pasurisë suaj materiale.

Për më tepër, Venusi hyn në shenjën tuaj në datën 10 nëntor dhe do të qëndrojë atje deri në fund të muajit. Kjo sjell një rritje në atraktivitetin dhe sharmin tuaj. Do ta keni më të lehtë të lidheni me të tjerët dhe do t'ju krijohen mundësi për të shijuar aktivitete të këndshme, si pushime apo ngjarje shoqërore. Kjo është një kohë e favorshme për të investuar në kujdesin ndaj vetes, blerjen e rrobave ose sendeve me vlerë dhe "llastimin" e shqisave tuaja.

Nëntori është një muaj dinamik, me fokus në përmirësimin e vetvetes, shëndetin, financat dhe rritjen e mirëqenies suaj të përgjithshme.

Akrepi (Dielli, Hëna & Ashendenti)

Ngjarja kryesore e këtij muaji është lidhja Mars-Diell në datën 18, e cila ndodh çdo dy vjet. Megjithatë, ndikimi i tij do të shtrihet për dy vitet e ardhshme, duke sjellë ndryshime të rëndësishme në jetën tuaj, si personale ashtu edhe kolektive. Ju tashmë mund t'i ndjeni efektet e tij, pasi ka ndikuar në botë, veçanërisht në Lindjen e Mesme, e cila sundohet nga Akrepi.

Pra, çfarë do të thotë kjo lidhje për ju? Është një thirrje për veprim, një mision, një moment ku ju merrni një rol vendimtar në jetën tuaj. Pavarësisht nëse ka të bëjë me jetën tuaj personale apo me botën në përgjithësi, do t'ju kërkohet të shfrytëzoni energjinë tuaj të Akrepit për ndryshim të thellë.

Akrepat njihen për qëndrueshmërinë dhe fuqinë e tyre, por ndonjëherë këto cilësi mbeten të fshehura derisa të aktivizohen. Universi është gati t'ju japë më shumë forcë dhe fuqi nga sa keni përjetuar ndonjëherë.

Lidhja ndodh në plejadën e luftëtarit dhe ndihet sikur jeni thirrur në betejë, për të luftuar për diçka në të cilën besoni. Nëse keni diellin në Akrep, do të shtyheni të arrini qëllimet tuaja dhe të keni një ndikim të rëndësishëm në karrierën tuaj. Nëse është Hëna juaj, fokusi juaj do të zhvendoset në jetën tuaj personale, marrëdhëniet dhe mirëqenien emocionale.

Shenja juaj e Ashendentit do të ndikohet gjithashtu, duke ndikuar në ndryshimet në pamjen tuaj fizike dhe shëndetin. Kjo energji do t'ju shtyjë të arrini arritje të jashtëzakonshme, qoftë në transformimin e trupit tuaj, karrierën apo zhvillimin personal.

Është e rëndësishme të theksohet se kjo "Shtëpi" hënore simbolizon qëllimin dhe vendosmërinë. Teksa do të jeni të përqendruar dhe të motivuar, jini të vetëdijshëm për potencialin për intensitet, obsesion dhe madje edhe luftëra për pushtet. Energjia e Akrepit mund të jetë e fuqishme, prandaj mos harroni ta kanalizoni atë në mënyrë konstruktive dhe etike.

Për më tepër, lidhja Diell-Mars kundërshton Uranin, gjë që mund të çojë në përplasje dhe luftë për pushtet, veçanërisht për ata me vendosje të Akrepit në 20 gradët e fundit të tij. Kjo mund të nënkuptojë gjithashtu një periudhë kur do të ndërpritni lidhjet me njerëz të caktuar ose do të mirëprisni marrëdhënie të reja në jetën tuaj. Do të filloni fillime të reja dhe do të përballeni me një kapitull krejt të ri, duke i shtyrë potencialisht kufijtë tuaj dhe do të befasoheni me vendosmërinë tuaj të re.

Përveç lidhjes Diell-Mars, Saturni po kthehet drejtpërdrejt në shtëpinë tuaj të pestë. Ky ndryshim sjell lehtësim nga bllokimet dhe përgjegjësitë që lidhen me shprehjen, krijimtarinë dhe madje edhe marrëdhëniet romantike. Nëse jeni ndjerë të kufizuar në këto zona, lëvizja e drejtpërdrejtë e Saturnit do t'ju ndihmojë ti kapërceni këto sfida. Do të shihni përmirësime në marrëdhëniet tuaja me fëmijët, në projekte krijuese dhe në jetën e dashurisë.

Shigjetari (Dielli, Hëna & Ashendenti)

Saturni, planeti i përgjegjësive dhe kufizimeve, po kthehet direkt në shtëpinë e katërt në fillim të muajit, më 4 nëntor. Kjo tranzitë mund të mos jetë menjëherë e dukshme, por nënkupton një ndryshim gradual të rrethanave që lidhen me shtëpinë, familjen, prindërit, të afërmit ose përgjegjësitë prindërore.

Nëse keni qenë duke u marrë me sfida si çështjet e pronës, rinovimet e shtëpive, vonesat në transaksionet e pronave ose shpenzimet e rritura, ky ndryshim do të sjellë lehtësim. Mund të bëhet më e lehtë për të shitur ose blerë prona, ose për të zgjidhur konfliktet familjare. Nëse keni pasur detyra shtesë në lidhje me kujdesin për fëmijët, prindërit e moshuar ose menaxhimin e pronës, këto përgjegjësi do të fillojnë të lehtësohen po ashtu.

Periudha retrogradë e Saturnit, e cila ka zgjatur muajt e fundit, mund t'ju ketë bërë më të vetëdijshëm për zakonet e familjes, çështjet karmike ose çështjet psikologjike dhe tani që Saturni po kthehet drejt, ju mund të punoni për zgjidhjen e këtyre çështjeve dhe parandalimin e përsëritjes së tyre. .

Intensiteti emocional i lidhur me ndikimin retrogradë të Saturnit gjithashtu do të fillojë të zbutet, veçanërisht për ata që kanë lindur në gradët e hershëm të Shigjetarit. Çdo problem shëndetësor i lidhur me stomakun ose gjoksin/kraharorin gjithashtu mund të përmirësohet teksa Saturni fillon të ecë përpara. Saturni do të qëndrojë në shtëpinë tuaj të katërt edhe për dy vjet të tjera, duke përfshirë një periudhë tjetër retrogradë, megjithëse do të ndikojë në gradë të tjerë të Shigjetarit gjatë asaj kohe.

Një tjetër ngjarje vendimtare në nëntor është lidhja Diell-Mars, e cila do të jetë aktive për dy vjet, deri në fund të vitit 2025. Kjo lidhje ndodh në shtëpinë tuaj të dymbëdhjetë, një mbretëri shpirtërore dhe introspektive.

Gjatë kësaj kohe, mund të mobilizoni vullnetin tuaj në një nivel shpirtëror ose të brendshëm. Kjo mund të shfaqet si mposhtja e varësive, kapërcimi i zakoneve sabotuese, luftimi i djajve të brendshëm, apo edhe përfshirja në praktika psikike ose shpirtërore.

Ju mund të përjetoni ëndrra intensive, udhëtim astral ose akses në njohuritë ezoterike. Për ata që janë në profesione shpirtërore ose shëruese, kjo periudhë mund të jetë shumë produktive dhe transformuese.

Megjithatë, nëse jeni më të përqendruar në botën e jashtme dhe jeni të motivuar të keni rezultate të prekshme, mund të ndiheni të frustruar. Energjia gjatë kësaj kohe është e drejtuar drejt betejave të brendshme dhe introspeksionit, të cilat mund të jenë më pak të kënaqshme për ata që kërkojnë arritje materiale.

Për më tepër, Venusi do të kalojë tranzitë në shtëpinë tuaj të njëmbëdhjetë nga 8 nëntori deri në fund të muajit, duke e bërë të tashmen kohën e shkëlqyer për t'u shoqëruar, për të bërë miq të rinj dhe për të kërkuar mbështetje nga rrethi juaj shoqëror. Kjo periudhë është ideale për t'u angazhuar në aktivitete në grup, për të shijuar evente publike dhe për të zgjeruar rrjetin tuaj.

Bricjapi (Dielli, Hëna & Ashendenti)

Saturni, planeti sundues i Bricjapit, kthehet drejtpërdrejtë në datën 4 pasi ishte në retrogradë për pesë muajt e fundit. Kjo ngjarje qiellore do të ndodhë në shtëpinë tuaj të tretë dhe efektet mund të mos jenë të menjëhershme, pasi Saturni zakonisht merr ca kohën për të ndryshuar drejtimin. Megjithatë, do të filloni të vini re një ndryshim gradual në drejtimin e jetës suaj, duke i bërë gjërat më të lehta dhe më të menaxhueshme. Saturni do të mbetet i drejtpërdrejtë për shtatë deri në tetë muajt e ardhshëm dhe gjatë kësaj periudhe do të shihni përmirësime në fusha të ndryshme të jetës tuaj.

Nëse jeni përballur me vonesa, komplikime ose pengesa në projekte që lidhen me komunikimin, biznesin, marketingun, informacionin ose punën në grupe të vogla, këto çështje do të fillojnë të zgjidhen. Lëvizja e drejtë e Saturnit do të sjellë një vrull për të ecur përpara, duke zëvendësuar vonesat ose pengesat.

Ndërveprimet shoqërore, komunikimi dhe marrëdhëniet që kanë qenë si mbi gjemba ose të bllokuara gjithashtu do të fillojnë të lehtësohen. Kjo është koha kur ndërveprimet tuaja me miqtë, vëllezërit e motrat, të afërmit, fqinjët dhe kolegët do të zbuten.

Nëse keni punuar për të përmirësuar aftësitë tuaja, për të mësuar njohuri të reja ose për të ndërmarrë njohuri në sferat intelektuale, kthimi i drejtpërdrejtë i Saturnit do ta bëjë procesin e të mësuarit më të menaxhueshëm dhe shpërblyes. Do të vini re se përpjekjet që keni investuar në përvetësimin e aftësive të reja do të shpërblehen. Nëse jeni përfshirë në projekte komerciale apo informative, kjo është periudha kur gjërat do të ecin më qetë. Përparimi gradual por i qëndrueshëm në këto zona është gjuhat tipike Saturniane.

Dielli dhe Marsi gjithashtu do të bashkojnë forcat gjatë dy viteve të ardhshme, duke shtuar një theks të fortë në lidhjet sociale dhe qëllimet afatgjata. Shtëpia e 11-të është e lidhur me ëndrrat dhe këto qëllime, ndaj ky kombinim i Diellit dhe Marsit do të rrisë energjinë dhe motivimin tuaj për të punuar drejt këtyre aspiratave. Do të nxiteni të ndiqni objektivat tuaj me vendosmëri të fortë dhe kjo energji mund të çojë në arritje të rëndësishme gjatë dy viteve të ardhshme.

Gjatë kësaj periudhe, ju mund të merrni vëmendje, nderime ose çmime për arritjet tuaja, të paktën disa prej jush. Do të jeni të prirur për të marrë iniciativë, për të përdorur energjinë tuaj dhe për të bashkëpunuar me individë ose grupe me të njëjtin mendim. Kjo mund të jetë gjithashtu një kohë e favorshme për t'u fokusuar në përfitimet financiare, të tilla si rritja e të ardhurave tuaja, tërheqja e më shumë klientëve ose zgjerimi i rrjetit tuaj. Megjithatë, jini të vetëdijshëm se energjia e sigurt e Diellit dhe Marsit ndonjëherë mund të çojë në beteja për pushtet, kështu që afrojuni bashkëpunimeve dhe aktiviteteve në grup me kujdes.

Për të përfituar sa më shumë nga këto ndikime planetare, merrni parasysh pjesëmarrjen në kauza shoqërore, kontribuoni në projekte që ju bëjnë të përfitoni shoqërinë dhe lidhjen me të tjerët që ndajnë qëllimet e njëjta me ju. Përdorni energjinë tuaj për të bërë një ndikim pozitiv dhe për të krijuar mundësi për veten tuaj në fushat e rrjeteve sociale, karrierës dhe njohjes publike.

Përveç këtyre aspekteve kryesore, Venusi do të zbukurojë shkurtimisht shtëpinë tuaj të 10-të, duke ndikuar pozitivisht në karrierën tuaj dhe marrëdhëniet me figurat e autoritetit. Ky muaj është një kohë e shkëlqyer për të përmirësuar imazhin tuaj publik dhe për të forcuar lidhjet tuaja me ata që janë në pozita autoriteti ose ndikimi.

Ujori (Dielli, Hëna & Ashendenti)

Saturni, sundimtari tradicional i Ujorit, po kthehet direkt në shtëpinë tuaj të dytë në fillim të muajit. Kjo shënon një ndryshim pozitiv, pasi lëvizja e drejtpërdrejtë e Saturnit zakonisht lehtëson përgjegjësitë dhe ngarkesat. Nëse keni përjetuar sfida që lidhen me mirëqenien tuaj fizike ose përpjekjet personale, do të filloni të shihni përmirësime në këto fusha. Pavarësisht nëse është shëndeti juaj, nivelet e energjisë ose mirëqenia e përgjithshme, mund të prisni një kthesë pozitive. Nëse keni punuar shumë për përmirësimin personal, rezultatet do të bëhen më të dukshme.

Lëvizja e drejtpërdrejtë e Saturnit gjithashtu nënkupton një çlirim të vonesave dhe pengesave në fusha të tjera të jetës tuaj. Nëse disa aspekte të suaj, të tilla si karriera ose projektet tuaja personale, janë zvarritur ose kërkojnë përpjekje shtesë, ato do të bëhen më të lehta për t'u rregulluar. Humori juaj gjithashtu ka gjasa të përmirësohet gradualisht, duke ju bërë të ndiheni më të lehtë dhe më optimistë. Për shtatë deri në tetë muajt e ardhshëm, teksa planeti që sundon Saturnin ecën përpara, ju do të vazhdoni të ecni përpara në territore të reja.

Ndikimi i kthimit të drejtpërdrejtë të Saturnit është më i theksuar në shtëpinë tuaj të dytë, i lidhur me financat dhe burimet. Nëse keni përjetuar vonesa ose bllokime në çështjet financiare, mund të parashikoni përmirësime graduale. Çdo përpjekje që keni bërë për të siguruar stabilitet financiare do të fillojë të japë rezultate. Megjithatë, është thelbësore të tregoheni të kujdesshëm dhe të adoptoni një qasje më tradicionale ndaj çështjeve financiare gjatë dy viteve të ardhshme, pasi Saturni do të mbetet në shtëpinë tuaj të dytë gjatë gjithë kësaj kohe.

Lëvizja e drejtpërdrejtë e Saturnit gjithashtu mund të sjellë lehtësim nga çështjet që lidhen me zotërimet, pronën ose sendet tuaja me vlerë. Nëse keni punuar për të riparuar ose ndërtuar gjërat ose përmirësuar zotërimet dhe pronat tuaja, do të filloni të shihni rezultate pozitive. Për ata që janë marrë me çështjet shëndetësore, veçanërisht me problemet dentare, lëvizja e drejtpërdrejtë e Saturnit mund të ndihmojë në zgjidhjen e këtyre shqetësimeve.

Për më tepër, kjo tranzitë planetare në shtëpinë tuaj të dytë mund të nënkuptojë një ndryshim në zakonet tuaja të të ngrënit dhe marrdhënien tuaj me ushqimin. Pavarësisht nëse keni ndryshuar dietën tuaj ose keni bërë përpjekje për të përmirësuar zgjedhjet tuaja dietike, ky ndryshim në drejtim mund ta bëjë më të lehtë për ju që t'i përmbaheni zgjedhjeve më të shëndetshme ose të përshtateni me preferencat e reja dietike. Është një transformim domethënës që ndikon në mentalitetin, vetëvlerësimin, financat dhe dinamikën e familjes gjatë pjesës më të madhe të tetorit dhe nëntorit.

Një tjetër ngjarje e rëndësishme që ndodh në nëntor është lidhja Diell-Mars në shtëpinë tuaj të dhjetë, e cila bëhet gati për një kapitull të ri dy-vjeçar në jetën tuaj. Kjo lidhje ndodh në yjësinë Vishaka, duke simbolizuar një luftëtar triumfues. Shtëpia e dhjetë fokusohet në karrierën tuaj dhe përgjegjësitë e kësaj bote. Do të ndiheni të shtyrë të kanalizoni energjinë tuaj në karrierë, misionet ose projektet tuaja. Do të keni forcën dhe vendosmërinë për të arritur gjëra të mëdha në jetën tuaj profesionale. Është një mundësi një herë në jetë për të përmbushur qëllimet tuaja, por mund të përfshijë luftë për pushtet dhe konflikte me figurat autoritare.

Urani në shtëpinë tuaj të katërt shton një element të paparashikueshmërisë në shtëpinë dhe jetën familjare. Ndryshime ose zhvendosje të papritura mund të ndodhin në këtë fushë, duke krijuar më shumë tension, të cilin do t'ju duhet ta menaxhoni paralelisht me ambiciet tuaja në karrierë. Kjo sugjeron se viti i ardhshëm do të jetë dinamik, me ndryshime dhe sfida të rëndësishme, por edhe me potencial për arritje të jashtëzakonshme.

Përveç këtyre tranzitave afatgjata, Venusi zbukuron shtëpinë tuaj të nëntë gjatë nëntorit. Kjo sjell një energji të këndshme për çështjet që lidhen me njohuritë e larta, udhëtimet, arsimin, politikën dhe kulturën. Është një kohë e shkëlqyer për të planifikuar udhëtime ose për të nisur një udhëtim të zbulimit të vetvetes, qoftë përmes udhëtimeve fizike apo arsimit. Gjatë kësaj kohe favorizohet aplikimi për programe universitare ose për viza.

Peshqit (Dielli, Hëna & Ashendenti)

Saturni po kthehet drejtpërdrejt në shenjën tuaj, gjë që nënkupton një lëvizje drejt përparimit dhe zgjidhjes së problemeve, të paktën disave. Megjithatë, lajmi jo shumë i mirë është se Saturni do të qëndrojë në shenjën tuaj edhe për dy vite të tjera, duke vazhduar të testojë pjekurinë dhe përgjegjësinë tuaj.

Kjo periudhë ju shtyn të bëheni më të organizuar, veçanërisht në lidhje me shëndetin tuaj dhe mënyrën se si e menaxhoni kohën. Do t'ju duhet të zhvilloni një vetëdije më të fortë për prioritetet dhe nuk mund të shkoni thjesht pas rrjedhës. Në vend të kësaj, do t'ju duhet të bëni përpjekje shtesë, të bëheni më të përgjegjshëm dhe të përqafoni moderimin dhe vetëkontrollin.

Kjo fazë sfiduese do të jetë veçanërisht kërkuese për ata që nuk janë mësuar me përgjegjësinë dhe kërkojnë kënaqësinë e menjëhershme, por do të jetë një përvojë e vlefshme dhe një mësim i nevojshëm. Nëse zotëroni një mentalitet Saturnian, ku disiplina është mbret, do ta kaloni këtë kohë shumë më mirë, pasi kjo do t'ju ndihmojë të ndërtoni themele të forta për të ardhmen tuaj.

Teksa Neptuni ka qenë në shenjën tuaj për 12 vitet e fundit, shance janë që keni përjetuar një kohë frymëzimi dhe rritjeje shpirtërore. Megjithatë, prania e Saturnit në shenjën tuaj do t'ju mbaj me këmbë në tokë, duke ju kërkuar që të hidhni rrënjë më shumë në botën e prekshme, materiale dhe t'u përmbaheni rregullave dhe rregulloreve të saj. Edhe pse kjo mund të duket e rëndë, është pikërisht ajo që ju nevojitet për të balancuar energjitë tuaja.

Kthimi i Saturnit direkt në nëntor do të sjellë lehtësim, veçanërisht për ata me planetë ose kënde në gradët e hershëm të Peshqve. Nëse jeni përballur me sfida të tilla si çështjet shëndetësore, dobësi emocionale, pengesa në karrierë ose pengesa të tjera kohët e fundit, mund të prisni të shihni përmirësime pasi lëvizja e drejtpërdrejtë e Saturnit ju lejon t'i kapërceni këto vështirësi gradualisht. Për ata me planetë në gradët e fundit të Peshqve, sfidat mund të vazhdojnë për një kohë më të gjatë, por mësimet që keni mësuar do të jenë të paçmueshme në planin afatgjatë.

Lidhja e Marsit dhe Diellit në shtëpinë tuaj të nëntë tregon një periudhë lufte për të vërtetën dhe fillimin e një kërkimi për përmirësimin e vetvetes. Kjo energji ju inkurajon të mundoheni për standarde më të larta morale, rritje personale dhe përmirësim. Mund t'ju frymëzojë të eksploroni territore të reja, qoftë përmes udhëtimit ose edukimit.

Ky kombinim dinamik do të ndezë një entuziazëm të zjarrtë brenda jush dhe do t'ju shtyjë të ndiqni qëllimet tuaja me vendosmëri më të madhe. Jini të përgatitur për përplasje dhe luftëra për pushtet, veçanërisht rreth sistemeve të besimit dhe filozofive personale, por dijeni se këto sfida mund të çojnë në rritje dhe ndryshime të rëndësishme pozitive.

Venusi që kalon tranzitë në shtëpinë tuaj të tetë për pjesën më të madhe të nëntorit mund të sjellë përfitime financiare në lidhje me taksat, burimet e përbashkëta ose partneritetet intime. Është një kohë e shkëlqyer për të punuar me taksat, dokumentat tatimore, intimitetin me partnerë të rinj/aktual ose për të eksploruar lidhje më të thella emocionale. Për më tepër, është një periudhë e favorshme për të studiuar astrologjinë ose njohuri të tjera të okultit.

Prezenca e Mërkurit në shtëpinë tuaj të dhjetë nga data 9 nëntor do të nxisë karrierën tuaj dhe do të sjellë përparim të shpejtë në këtë fushë. Jeta juaj profesionale do të futet në korsinë e shpejtë, duke e bërë këtë periudhë kohën për t'u përqëndruar në qëllimet tuaja.

Bashkëvuajtësja juaj,

Kristal

xoxo