Dhjetor 2023

Dhjetori i 2023 hap skenën për hyrjen e shpejtë të 2024-ës. Koha do të ndihet shumëdimensionale, gjysma do të ndihet e përshpejtuar me çdo ditë që kalon në tjetrën me shpejtësi pa e kuptuar dhe më pas do të ndihet sikur koha është pezulluar. Është e rëndësishme të merremi me veten tonë duke u fokusuar në atë që mund të krijojmë në vitin 2024. Kjo është koha për të vlerësuar se çfarë mund të bëhet çdo muaj në një nivel mendor, emocional dhe fizik për të ndihmuar veten të ndërtojmë jetën e dëshiruar.

Mërkuri hyn në Bricjap më 1 Dhjetor duke na ofruar mundësinë të fillojmë të përshkruajmë atë që dëshirojmë të arrijmë në 2024.

Por çfarë të bëjmë gjatë Mërkurit në Retrogradë? Përshkruani dëshirat tuaja me laps përpara datës 12 dhjetor. Mos lejoni që kjo retrogradë t'ju ndalojë së filluari ose vazhduari procesin e planifikimit. Në fakt, nëse e filloni tani, kur Mërkuri të jetë në retrogradë do të merrni më shumë informacione që do t'ju ndihmojnë të bëni plane më të mira dhe të vendosni qëllime edhe më të qarta për veten tuaj.

Tema e dhjetorit është çlirimi nga e kaluara për t'i hapur rrugë të ardhmes. Kjo do të thotë se muaji do të ketë një ton të zymtë, por në nivel individual mund të përparon dukshëm. Nuk do t'i dini të gjitha, nuk do t'i bëni të gjitha, por ajo që do t'ju ndihmojë t'ia dilni mbanë gjatë muajit është të hartoni një plan për vitin që t'ju ndihmojë të qëndroni me këmbë në tokë teksa bota ndryshon me shpejtësi.

Sezoni i Shigjetarit është super energjik nga Marsi që ndjek Diellin. Të gjithë mund të duam t'i nxitojmë gjërat, të shtyjmë kufijtë tanë ose kemi një ndjesi q ë na thotë se DUHET ta shfrytëzojmë ditën. Carpe Diem është një moto e shkëlqyer, megjithatë, është e rëndësishme të ndërmerrni disa hapa të matur dhe të fokusoheni në metodën hap pas hapi. Mërkuri në fazën para-retrogradës do të na bëjë të gjithëve të ndiejmë njëfarë urgjence dhe të bëjmë disa gabime potencialisht të pakujdesshme.

Jo se gabimet janë të gjitha të këqija, nuk janë, në fakt, mund të zbuloni se do t'ju ndodhin disa aksidente të mira gjatë 10 ditëve të para të dhjetorit. Mund të kapni aksidentalisht ekstraktin e livandos në vend të vaniljes dhe të bëni biskotën më të mirë që keni bërë ndonjëherë! Por nëse po përpiqeni të bëni diçka gati për të nisur ose publikuar, nxitimi për të përmbushur një afat nuk është strategjia të cilën duhet të zbatoni në fillim të dhjetorit.

Mërkuri kthehet retrogradë pasi formohet Hëna e re në Shigjetar dhe kjo do të "ndalojë" kohën. Do të ndihet SHUMË e vështirë dhe duke qënë se Mërkuri është në Bricjap, mund të duket sikur të gjitha planet tona po shpërbëhen. Kjo nuk është e vërtetë, do të shpërbëhen ato plane që nuk janë vërtet autentikë ose ato që ne nuk kemi nevojë dhe nuk janë të qëndrueshme.

Jeta pas dy vitesh do të duket shumë ndryshe nga ajo që është sot ndaj ne duhet t'i përmbledhim dëshirat dhe nevojat tona në rrënjë. Çfarë ka vërtet rëndësi? Kush ka vërtet rëndësi? Si duhet të b ëhen gjërat n ë të vërtetë? Kush duhet t'i bëjë ato? Kush është në kundra nesh? Ku është mbështetja?

Nuk është koha për të fantazuar se çfarë "mund të jetë" ose "sikur të isha këtu, do të mundja..." Është koha për të bërë një bilanc të aftësive, talenteve dhe aftësive tuaja të cilat mund të zbatohen në më shumë se një mënyrë.

A duhet të kesh frikë? Jo. Frika nuk ju ndihmon të merrni vendime ose të planifikoni në mënyra që ju çojnë përpara. Është koha për të menduar se si mund të siguroni veten dhe familjen tuaj. Si të ndërtoni një themel që është ndërtuar mbi nevojat, dëshirat dhe aftësitë tuaja autentike. Mund keni disa aftësi, të gjithë i kanë dhe ato mund të aplikohen në më shumë se një mënyrë. Quhen aftësi të transferueshme dhe ne të gjithë duhet të vlerësojmë se cilat janë aftësitë tona të transferueshme në dhjetor.

Sado e zymtë do të duket jeta në fillim të dhjetorit, sapo të kalojmë Solsticin më 21 dhjetor, Mërkuri futet përsëri në Shigjetarin e gëzuar më 22 për të na dhënë një dritë të vogël shprese dhe një vezullim gëzimi. Nuk do të jenë festat më të bukura apo më të mbushura me dhurata, por do të ketë shpresë, solidaritet dhe gëzim. E mbyllim muajin dhe vitin me Jupiterin që kalon direkt dhe zgjidhjet do të shfaqen. Prej tij udhëzimet për të bërë planet për vitin 2024 do të kenë kuptim. 

Dhjetori na gjen të gjithë në një gjendje reflektuese dhe introspektive.

Me Marsin që ndjek Diellin në Shigjetari, kemi një lloj tjetër energjie në lojë në dhjetor. Energjia ka një mprehtësi dhe ka nevojë për veprim më të shpejtë. Do të jetë e vështirë të kemi durim gjatë 2 javëve të para të dhjetorit.

Ndonëse sezoni i festave mund të jetë i qetë, për ne është koha që të marrim parasysh çfarë ka më shumë rëndësi për ne. Rishikoni se çfarë do të thotë me të vërtetë siguri, përtej bilancit financiar, përtej ëndrrave. Ne do të fillojmë të pyesim veten se cila është rruga më etike për qëllimet tona. Në 2 javët e para të dhjetorit mund të përballemi me disa fakte të reja, nevojë për rregull dhe organizim në mënyrë që të jemi më të aftë të përballojmë zhbërjen e sistemeve të vjetra pasi nuk funksjonojnë më.

Mos prisni t'ju vijë zgjidhja nga të tjerët por filloni të bëni pyetje. Çfarë është ajo që më ndihmon më shumë të arrij qëllimet dhe vizionet? Nuk është nevoja të ëndërroni për një Utopi, por duhet të kuptoni se si mund të kontribuojmë për të bërë një të ardhme më të mirë.

Tani është koha për dekonstruksion dhe teksa shikojmë shpresat, ëndrrat dhe vizionin tonë të madh, është e rëndësishme të vlerësojmë se si ato lidhen me një të ardhme më të mirë. Tani është koha për të hartuar planet tuaja për vitin 2024. Bëni vetes disa pyetje:

"Çfarë do të isha vërtet krenar për të arritur vitin e ardhshëm?"
Të thuash "Kam Liri financiare" nuk është në të vërtetë një përgjigje, është shumë e paqartë.
"Dua të shlyej borxhin (shumën)".
"Unë dua që biznesi im të fitojë ($) në muaj deri në (datë)."
“Dua një punë ku ndihem apo kam..."

Sa më specifik të jetë objektivi, aq më e lehtë është të arrihet.